1. desember 2022

Aðilar gerðu tímabundinn leigusamning frá 2. febrúar 2022 til 2. janúar 2023 um leigu leigutaka á íbúð leigusala. Ágreiningur er um hvort leigusala sé heimilt að ganga að tryggingu leigutaka vegna viðskilnaðar hans á hinu leigða við lok leigutíma. Leigutaki fer fram á að viðurkennt verði að leigusali eigi ekki rétt á bótum úr hendi leigutaka.

Til tryggingar á réttum efndum á leigusamningi aðila lagði leigutaki fram tryggingu að fjárhæð 360.000 kr. sem hún keypti hjá E ehf. Leigusalar hafa gert kröfu um að þeim sé heimilt að ganga að tryggingunni vegna óviðunandi skila leigutaka á íbúðinni við lok leigutíma.

Leigutaki skilaði leigusala íbúðinni 1. júlí 2022. Leigusalar gerðu kröfu í trygginguna með skilaboðum 5. júlí 2022 þar sem tiltekið var að hún væri tilkomin vegna flutningsþrifa, ferða á Sorpu, parkets, undirlags, þrifa á ísskáp/frysti, þrifa á gardínum, parketlagnar og ísskáps. Samtals nam krafan 343.850 kr.

Fyrir liggur að leigutaki hvorki hafnaði né féllst á kröfu leigusala innan fjögurra vikna frá þeirri dagsetningu sem krafan kom fram. Þar sem leigutaki svaraði kröfunni ekki innan lögákveðinna tímamarka, þ.e. innan fjögurra vikna telst hann hafa samþykkt hana.

Niðurstaða: Kröfum leigutaka hafnað.