Leigjandi gerði tveggja ára tímabundinn leigusamning frá 1. febrúar 2022 – 31. janúar 2024 við leigufélag. Í upphafi árs 2023 leiddi sýnataka það í ljós að myglu væri að finna í íbúðinni og gerði leigjandi þá kröfu að leiga yrði felld niður þar til úrbætur færu fram. Leigufélagið hafnaði þeirri kröfu leigjandans og óskaði eftir því að framkvæma ítarlegri skoðun. Ríflega tveimur mánuðum síðar voru komnar niðurstöður úr seinni sýnatöku. Samkvæmt henni greindust gró og/eða sveppahlutir inn í eldhúsi íbúðarinnar. – Niðurstaðan „appelsínugul“ og taldi leigufélagið ekki að um alvarlegt frávik væri að ræða og andmælti leigjandi því ekki í málsmeðferðinni.

Leigjandi fór þess á leit við leigufélagið í kjölfarið að fenginn yrði óháður úttektaraðili inn að borði til að meta afslátt af leigufjárhæðinni meðan að ástandið væri óbreytt. Leigufélagið brást ekki við þeirri beiðni og leitaði leigjandi þar með til kærunefndar og kom kröfu sinni á framfæri.

Þegar úrskurður féll hafði leigjandi þegar skilað af sér eigninni en það gerði hann fyrr en áætlað var eða þann 31. júlí 2023. Engu að síður taldi nefndin að leigjandi hefði lögmæta hagsmuni af úrskurðinum og komst að þeirri niðurstöðu að leigjanda væri heimilt að kalla til úttektaraðila til að meta hæfilega lækkun á leiguverði.