Aðilar gerðu með sér tímabundinn leigusamning frá 1. júlí 2021 til 1. mars 2022 um leigu á íbúðarhúsnæði. Ágreiningur varð vegna kröfu leigusala í tryggingu leigjanda vegna ástands á hin leigða við skil. Við  upphaf leigutíma lagði leigjandi fram tryggingu hjá Leiguskjól ehf. að fjárhæð 420.000 kr.

Leigjandi óskaði eftir því að fá að vera lengur í húsnæðinu vegna þess að móðir hans var í líkandi meðferð og stutt væri í andlát hennar. Samþykkti leigusali það og bauð leigjanda að dvelja til 4. mars honum að kostnaðarlausu. Leigjandi sendir skilaboð á leigusala  og lætur vita að skil muni dragast um nokkrar klukkutíma. Leigjanda svarar ekki skilaboðum leigusala eftir þetta. Næsta dag fer leigusali í íbúðina sem er ólæst, illa lyktandi og óþrifin. Einnig voru í íbúðinni húsgögn og húsmunir í eigu leigjanda. Komið hafi svo í ljós við þrif að tjón var á eigninni sem ekki gæti talist vera venjulegt slit. Leigjandinn greip ekki til varnar fyrir nefndinni og því byggði nefndin úrlausn sína á fyrirliggjandi gögnum er leigusali lagði fram.

Kærunefndin rakti ferlið við að leggja fram kröfu í tryggingarfé samkvæmt húsaleigulögum og þá tímafresti sem um það gildir. Rakið var að leigusali hafi gert skriflega kröfu í tryggingu leigjanda fyrir 412.463 kr.  innan fjögurra vikna frá skilum á hinum leigða. Leigjandi samþykkti kröfu upp á 122.419 kr. en hafnaði rest. Fram kom að hvorki hafi farið fram úttekt við upphaf né lok leigutíma. Taldi nefndin þó að myndir er lagðar voru fram í málinu sýni ástand eignar við lok leigutíma. Engar skýringar hafi verið gefnar er leigjandi hafnaði greiðsluskyldu en nefndin telur að á leigjanda hvíli skylda til þess.

Niðurstaða: Leigusala er heimilt að ganga að tryggingu leigjanda að fjárhæð 412.463 kr.