Aðilar gerðu tímabundinn samning til 30 ára um leigu á skrifstofuhúsnæði frá árinu 2007-2037. Ágreiningur málsaðila laut að framkvæmdum sem leigusali ákvað að ráðast í árið 2022 að leigutökum forspurðum. Umræddar framkvæmdir fólu það í sér að leigusali myndi í samráði við þriðja aðila setja upp aðgangstýringu inn á bílastæði leigulóðarinnar, setja upp hleðslustöðvar og úthluta leigjendum sérstakan kvóta í samræmi við hlutdeild þeirra í eigninni. Notkun umfram kvóta myndi leiða til aukins kostnaðar. Leigjendur töldu að umræddar framkvæmdir og upplegg að kvóta væri ekki í samræmi við leigusamning þeirra. Í honum var kveðið á um aðgengi að bílastæðum án þess að tilgreindur fjöldi stæða væri tilgreindur í því sambandi.

Að mati nefndarinnar væri fælist það í rétti leigusala sem eiganda að bregðast við breyttum aðstæðum, s.s. setja upp hleðslustöðvar og jafnvel takmarka aðgang að einhverju leyti en í málinu lá fyrir að töluverð uppbygging hafi verið í nágrenni og þar með aukinn ágangur í stæðin.

Nefndin taldi það aftur á móti óheimilt af hálfu leigusala að takmarka aðgengi leigjanda á fjölda bílastæða með sérstökum kvóta. Var því fallist á kröfu leigjanda í málinu þess efnis að óheimilt væri að gera breytingar á fyrirkomulagi bílastæðanna og úthluta leigjendum sérstakan kvóta.

Öðrum kröfum leigjanda, s.s. viðurkenning á að uppsetning hleðslustöðvar hafi verið óheimil var ýmist hafnað eða vísað frá.