Ástand leiguhúsnæðis. Framlenging leigusamnings.

Aðilar gerðu tímabundinn leigusamning sem gilti frá 1. október 2019 til og með 1. október 2020. Krafa leigjanda fyrir kærunefndinni er að viðurkennt verði að komist hafi á ótímabundinn leigusamningur eftir að tímabundnum samningi lauk. Einnig að leigusala bæri að klára þá annmarka sem séu á eigninni, til dæmis að ganga frá lóð og eldvarnarmálum. Leigjandi sendi úrbótakröfu á leigusala þann 16. október 2020 með fyrrgreindum kröfum. Nefndin taldi að þar sem umrædd krafa hafi fyrst komið fram að leigutíma liðnum hafi leigjandi glatað kröfu sinni til úrbóta skv. 16. gr. húsaleigulaga. Í 59. gr. sömu laga segir að líði átta vikur fá því að leigutíma lauk samkvæmt uppsögn ótímabundins leigusamnings eða ákvæðum tímabundins leigusamnings, og leigusali hefur ekki skorað á leigjanda að rýma eignina, myndast ótímabundinn leigusamningur á milli aðila.

Niðurstaða. Kröfu leigjanda um að leigusali bæti úr þeim annmörkum er hann taldi vera á eign var hafnað. Ótímabundinn leigusamningur var kominn á á milli aðila með 6 mánaðar uppsagnarfresti.