Leigjandi tók á leigu herbergi í íbúð leigusala. Við upphaf leigunnar lagði leigjandi fram tryggingarfé að fjárhæð alls 80.000 kr. Meðan á leigunni stóð brotnaði rúða í herberginu og deildu aðilar um hver bæri ábyrgð á því. Taldi leigjandi að hvorki hann né aðilar á hans vegum hafi brotið rúðuna, þar með ætti tjónið ef til vill með réttu að heyra undir almenna húseigendatryggingu og þar með ekki á hans ábyrgð. Að endingu komust aðilar að því samkomulagi að leigjandi tæki á sig kostnað við að gera við rúðuna með því skilyrði að tryggingarfé yrði endurgreitt. Við skil eignarinnar neitaði leigusali aftur á móti að endurgreiða tryggingarféð á þeim grundvelli að skemmdir hefðu jafnframt orðið á gluggasillu, raki greinilega safnast þar fyrir um nokkurt skeið og málning byrjuð að losna frá viðnum. Leigjandi hafnaði þeirri kröfu leigusala sem bar málið ekki undir kærunefndar innan fjögurra vikna. Komst nefndin að þeirri niðurstöðu að leigusala bæri að endurgreiða tryggingarféð að fullu ásamt vöxtum og dráttarvöxtum.