Aðilar gerðu ótímabundinn leigusamning frá 15. september 2018 og var umsamið leiguverð alls 306.318 kr. á mánuði bundið byggingarvísitölu og skyldi breytast mánaðarlega.

Þann 6. janúar 2020 samþykkti leigusali að lækka leiguna um 10% en tók jafnframt fram að um óbindandi og tímabundinn afslátt væri að ræða. Eftir að Covid-19 skall á lækkaði leigusali leiguna svo um 20% á sömu forsendum, þ.e. óbindandi og tímabundinn afsláttur. Var hann jafnframt bundið því skilyrði að leiga yrði greidd fyrir eindaga en að öðrum kosti félli afsláttur niður. Síðla árs 2022 hafi leigusali ákveðið að fella afsláttinn niður. Sóknaraðili taldi þá ákvörðun ekki réttmæta og krafðist endurgreiðslu á mismuni leigufjárhæðarinnar sem hann hafði greitt leigusala eftir að fallið var frá afslættinum.

Kærunefndin komst að þeirri niðurstöðu að afslátturinn hafi eingöngu verið tímabundin ívilnun enda komið fram í samskiptum að um væri að ræða „tímabundinn afslátt“ sem myndi gilda „þar til annað verður ákveðið“.

Kröfu leigjanda um endurgreiðslu á ofgreiddri leigu var því hafnað.