Aðilar gerðu tímabundinn leigusamning frá 5. júlí 2021 til 31. maí 2022. Við upphaf leigunnar lagði leigjandi fram tryggingu fyrir réttum efndum að fjárhæð alls 200.000 kr.

Við skil hélt leigusali eftir 45.719 kr. Annars vegar vegna vangoldinnar leigu vegna seinbúinna skila á eigninni að fjárhæð alls 20.000 kr. og hins vegar vegna skemmda á hinu leigða að fjárhæð alls 25.719 kr.

Leigjandi hafnaði kröfu leigusala um bætur vegna skemmda en fólst á kröfu um vangreidda leigu. Í kjölfar höfnunar bar leigusali ágreiningin hvorki undir dómstóla né kærunefndar innan fjögurra vikna líkt og lög kveða á um. Komst kærunefndin þar með að þeirri niðurstöðu að bótakrafa leigusala vegna meintra skemmda á eigninni væri niður fallin og var leigusala gert að endurgreiða leigjanda 25.719 kr. ásamt vöxtum.