Krafa leigjanda um endurgreiðslu á leigu.

Aðilar gerðu með sér tímabundinn leigusamningur frá 1. apríl 2020 til og með 31. mars 2022. Leigjandi skilaði hins vegar leiguhúsnæðin þann 17. janúar 2021. Aðilar höfðu í tölvupósti gert samkomulag um að leigjandi greiddi leigu fyrir febrúar 2021 og yrði þar með laus undan leigusamningi. Krafðist leigjandi þess að þar sem leigusala tókst að leigja út íbúðina í febrúar að hann endurgreiddi honum leiguna þann mánuð. Leigusali bar fyrir sig að um væri að ræða bindandi samkomulagi við leigjanda til að hann gæti losnað fyrr úr leigusamningi. Einnig fór leigjandi fram á að fá 15 daga endurgreidda vegna leigu er hann greiddi fyrir apríl 2020. Bar hann fyrir sig að hann hefði ekki fengið íbúðina afhenta fyrr en 16. apríl.

Kærunefndin taldi samskipti aðila ekki bera annað mér sér en að leigjandi hafi skilyrðislaust fallist á að greiða leigu vegna febrúar 2021 og með því hafi hann losnað undan leigusamningi. Er leigjandi því bundinn við samkomulag aðila og er því kröfu hans um endurgreiðslu leigu fyrir febrúar 2021 hafnað. Einnig taldi nefndin ekki liggja fyrir að leigjanda hafi ekki staðið til boða að fá íbúðina afhenta fyrr.

Niðurstaða: Kröfu leigjanda um endurgreiðslu á leigu fyrir febrúar mánuð sem og 15 daga í apríl 2020 hafnað.